«ԶԱՐԹՕՆՔ», ՊԷՅՐՈՒԹ – Եփրեմ Մարտիրոս Սաւայեան (15 Յունիս 1909, Կարս, Կարսի նահանգ, Արեւմտեան Հայաստան – 27 Օգոստոս 1974, Երեւան, ՀԽՍՀ, ԽՍՀՄ), հայ նկարիչ, ՀԽՍՀ արուեստի վաստակաւոր գործիչ (1960): Նկարիչ Արմէն եւ նկարչուհի, խեցեգործ Անահիտ Սաւայեաններու հայրն է։ Ժամանակակից յայտնի նկարչուհի Մարօ Սարգսեանի մեծհայրը։
1930 թուականին աւարտած է ԵԳԱՏ-ը։ Ստեղծագործած է հիմնականօրէն դիմանկարի բնագաւառին մէջ։ Պատկերման վաւերականութեամբ աչքի կը զարնեն նկարիչի կնոջ (1940), զաւակին (1952), Լուսաբեր Ղազարեանի (1948, ՀԱՊ), Ն. Մ. Թոքարսքիի (1960), երգչուհի Լուսինէ Զաքարեանի (1961), Կոմիտասի (1969) դիմանկարները, «Երկաթուղայիններ» (1947), «Յովհաննէս Թումանեան եւ Զօրավար Անդրանիկ» (1969) պատկերները, «Այրիւանք» (1970) բնանկարը։ Եփրեմի գործերէն կը պահուին Հայաստանի ազգային պատկերասրահին մէջ:
