Աբէլ Պօղոս Սիմոնեան (15 Օգոստոս 1922, գ․ Խնձորեսք, ՀԽՍՀ Գորիսի շրջան – 3 Յունուար 1994, Երեւան), հայ խորհրդային պատմաբան, պատմական գիտութիւններու դոկտոր (1969), փրոֆէսոր (1972): ԽՄԿԿ անդամ 1940 թուականէն:
Աւարտած է Երեւանի համալսարանի միջազգային յարաբերութիւններու բաժինը (1950): 1939-1946 թուականներուն ծառայած է խորհրդային բանակի մէջ, մասնակցած է Հայրենական մեծ պատերազմին։ Եղած է Երեւանի համալսարանի կուսակցական կոմիտէի քարտուղար (1950-1953), ԽՄԿԿ պատմութեան ամպիոնի վարիչ (1961-1964), հայկական հանրագիտարանի գլխաւոր խմբագիրի տեղակալ (1965-1974), գլխաւոր խմբագիր (1974-1979): 1983 թուականէն ՀԽՍՀ ԳԱ պատմութեան հիմնարկի Հայաստանի քաղաքներու եւ գիւղերու պատմութեան բաժնի վարիչն էր։
Գիտական աշխատութիւնները կը վերաբերին հայ ժողովուրդի խորհրդային ժամանակաշրջանի պատմութեան։
