«ԶԱՐԹՕՆՔ», ՊԷՅՐՈՒԹ: Լիբանանեան կենսաչափական անձնագիրերու վաւերականութիւնը հասանելի պիտի դառնայ տասը տարուան ժամանակահատուածի համար, 500,000 լ.ո. (330.50 ամ. տոլար) սակագինով, Օգոստոս 10-էն սկսեալ: Այս մասին Չորեքշաբթի յայտարարեց Գլխաւոր անվտանգութեան վարչութիւնը:
Անձնագիրի գործարկումն ու նորոգումը այժմ հասանելի է երեք տարբերակով: Ի հաշիւ տասը տարուան վաւերականութեան ծրագիրին՝ մէկ տարուան վաւերականութիւնը կ’արժէ 60,000 լ.ո., իսկ հինգ տարուանը՝ 300,000 լ.ո.: Կենսաչափական անձնագիրը առաջին անգամ ներկայացուած էր 2016-ին: Ոչ կենսաչափական անձնագիրերը կը շարունակեն վաւերական մնալ մինչեւ իրենց վերջնաժամկէտը:
Գլխաւոր Անվտանգութիւնը Ի Գործ Պիտի Դնէ Կենսաչափական Անձնագիրերու Պարագային 10 Տարուան Վաւերականութիւն Ձեռք Բերելու Վերաբերեալ Օրէնքը
