Ստեփանակերտի մշակոյթի եւ երիտասարդութեան պալատին մէջ ամերիկաբնակ ամուսիններ Հրաչ եւ Նեւրիգ Գեւրիգեաններու կողմէ ապրիլեան պատերազմին զոհուած 28 զինուորներու զաւակներուն տրամադրուած են հեծիկներ:
Ըստ «Արցախփրես»-ի՝ Հրաչ Գեւրիգեան ըսած է, որ այդ նպատակով 56 հեծիկներ բերուած են Միացեալ Նահանգներէն:
Նուիրատուութեան համար շնորհակալութիւն յայտնելով բարերարներուն` ապրիլեան պատերազմի զոհուած կիւմրեցի հերոս Մերուժան Ստեփանեանի քոյրը` Մանիկ Ստեփանեանը, ըսած է, որ կրտսեր Մերուժանը ծնած է եղբօր զոհուելէն ետք: Այսօր ան 2 տարեկան կը դառնայ, ատիկա հաճելի նուէր էր ծննդեան տօնին առիթով:
«Այդ հեծիկներէն 18 հատը նախատեսուած է 10 տարեկանէն փոքր երեխաներու, իսկ մնացածը` աւելի բարձր տարիքի համար: Սա մեր ընտանիքի կողմէ կազմակերպուած առաջին նախաձեռնութիւնն է: Սակայն պէտք է նշեմ, որ ունեցած ենք աջակցողներ, իսկ «Հայաստան» համահայկական հիմնադրամը վճարած է ճանապարհածախսը»,- նշած է Գեւրիգեան:
Զոհուած զինծառայողի այրի, 4 երեխաներու մայր Էլլադա Դադայեան նշած է, որ այսպիսի ծրագիրները սփոփանք են իրենց՝ կարգավիճակի մէջ գտնուող ընտանիքներու համար:
Անոր խօսքով` իրենք մշտապէս կը գտնուին հանրութեան, բարերարներու եւ պետութեան ուշադրութեան տակ:
