«Վարդանեան Ընտանիք» բարեգործական հիմնադրամէն կը յայտնեն, որ Մեասնիկեանի արձանի հարեւանութեամբ գտնուող այգիի վերականգնումը անշահախնդիր նուէր է մեր համաքաղաքացիներուն եւ մայրաքաղաքի հիւրերուն:
Տարածքը հիմնադրամին կողմէ վարձակալուած չէ եւ կը շարունակէ համարուիլ համայնքային սեփականութիւն:
Հիմնադրամը մէկ պայման դրած է` այգիի տարածքին 99 տարիով պէտք է արգելուի որեւէ տեսակի ձեռնարկատիրական գործունէութիւն եւ անիկա պէտք է ծառայէ միայն որպէս հանգիստի գօտի երեւանցիներու համար:
Այգիի սպասարկումն ու խնամքը մշտապէս պիտի իրականացնէ «Վարդանեան ընտանիք» բարեգործական հիմնադրամը:
Հատուած են միայն ծեր եւ հիւանդ ծառերը, իսկ առողջ 48 ծառ վերատնկուած է այգիի եզրային հատուածին մէջ: Ծառերուն քանակը պիտի քառապատկուի, իսկ կանաչ տարածքը պիտի կրկնապատկուի:
