Հանրապետութեան նախագահ Արմէն Սարգսեան կը շարունակէ խորհրդակցութիւններու շարքը ներքաղաքական լարուածութիւնը մեղմացնելու եւ լուծումներ գտնելու նպատակով:
Ինչպէս «Արմէնփրես»-ին յայտնած են ՀՀ նախագահի գրասենեակէն, նախագահ Սարգսեան հանդիպումներ ունեցած է նաեւ Հայաստանի Հանրապետական կուսակցութեան նախագահ Սերժ Սարգսեանի եւ ՀՀԿ փոխնախագահ Կարէն Կարապետեանի հետ:
Հանդիպումները կը կրեն կառուցողական բնոյթ: Հանրապետութեան նախագահը յոյս ունի, որ համատեղ ջանքերով կարելի կ’ըլլայ գտնել փոխընդունելի լուծում:
Նախագահը կ’ողջունէ Վեհափառ Հայրապետի հանդիպումը Նիկոլ Փաշինեանի հետ: Ան միաժամանակ կը քաջալերէ բոլոր քաղաքական ուժերուն, հասարակական կազմակերպութիւններուն եւ անհատներուն ջանքերը, որոնք կը միտին ստեղծուած իրավիճակին մէջ տրամաբանական եւ ողջամիտ հանգուցալուծման հասնելու:
