Հոլանտայի ելեւմտական նախարարութեան պետական քարտուղար Մեննօ Սնելը Երեւանի մէջ պիտի մասնակցի Հայոց Ցեղասպանութեան 103-ամեակի ձեռնարկներուն:
Հոլանտայի պետական պաշտօնեան նման ձեռնարկի մը պիտի մասնակցի առաջին անգամ, «News.am»-ի փոխանցած տեղեկութիւններով՝ յայտնած է «NL Times»-ը: Այսուհետեւ Հոլանտայի պետական նախարարը Երեւանի մէջ իրականացուող ձեռնարկներուն մասնակցելու համար պիտի ժամանէ իւրաքանչիւր հինգ տարին մէկ անգամ:
Յիշեցնենք, որ Փետրուարին Հոլանտայի խորհրդարանի ստորին պալատը հաւանութիւն տուած էր Հայոց Ցեղասպանութիւնը ճանչցող բանաձեւին: Պատգամաւորները նաեւ պահանջած էին, որ Հոլանտան ներկայացուցիչ ուղարկէ Ցեղասպանութեան տարելիցին նուիրուած ձեռնարկներուն:
