Եւրոխորհուրդի խորհրդարանական վեհաժողովի նախագահ Միկելէ Նիքոլեթին յոյսով է, որ Լեռնային Ղարաբաղի հակամարտութիւնը պիտի ունենայ շուտափոյթ խաղաղ կարգաւորում:
Ըստ «Armenpress.am»-ի՝ այս մասին ԵԽԽՎ նախագահը ըսած է ազրպէյճանական Report-ի լրագրողի հետ զրոյցին ընթացքին:
«Լեռնային Ղարաբաղի հակամարտութեան հարցով իմ դիրքորոշումը կը համընկի Եւրոխորհուրդի խորհրդարանական վեհաժողովի դիրքորոշման հետ»,- յայտնած է ան:
Նիկոլեթին ընդգծած է, որ ԵԽԽՎ-ն յարգանքով կը մօտենայ ԼՂ հակամարտութեան խաղաղ կարգաւորման ուղղութեամբ գործունէութիւն ծաւալող միջազգային կազմակերպութեան` ԵԱՀԿ Մինսկի խումբի, ինչպէս նաեւ ՄԱԿ-ի դերակատարութիւններուն: Ան նշած է, որ ԵԽԽՎ-ն պատրաստ է աջակցելու իւրաքանչիւր գործունէութեան, որ ուղղուած է ԼՂ խնդիրի խաղաղ կարգաւորման:
