Գերմանիոյ Քէոլն քաղաքին մէջ տեղի ունեցած է Հրանդ Տինքի յիշատակին նուիրուած ձեռնարկ:
Պոլսահայ «Ակօս» թերթին փոխանցած տեղեկութիւններով՝ Քէոլնի մէջ Տինքի յիշատակին նուիրուած ձեռնարկին մասնակցած են Թուրքիոյ եւ Գերմանիոյ յայտնի մտաւորականներ եւ քաղաքական գործիչներ:
Ձեռնարկին ընթացքին ելոյթ ունեցած է Գերմանիոյ Կանաչներու կուսակցութեան համանախագահ Ճեմ Օզտեմիրը` յայտարարելով, որ Տինքը սպաննողը թրքական պետութիւնն է:
«Տինքի սպանութեամբ Թուրքիոյ մէջ ժամանակը ետ գնաց: Թուրքիոյ մէջ հիմա նոյնիսկ մամուլը ազատ չէ»,- ըսած է Ճեմ Օզտեմիր:
Թուրք յայտնի իրաւապաշպան Ռակըփ Զարաքօլու, իր հերթին, նշած է, որ Տինքի սպաննութիւնը կազմակերպողները մէկ բան հաշուի չէին առած՝ Թուրքիոյ հասարակութեան մօտ խղճի պայթիւնի յառաջացում Տինքի սպաննութեամբ: «Այս առումով Հրանդ Տինք իր մահով Թուրքիոյ մէջ շատ բան փրկեց»,- ըսած է Զարաքօլու:
