Թուրքիոյ մէջ քրտամէտ Ժողովուրդներու դեմոկրատական կուսակցութեան Հայ պատգամաւոր Կարօ Փայլան անցեալ շաբաթ Հրանդ Տինքի մահուան 11-րդ տարելիցի կապակցութեամբ ելոյթ ունեցած էր խորհրդարանին մէջ: 18 Յունուարին տեղի ունեցած նիստի ժամանակ Փայլանն ու իր կուսակցութիւնը առաջարկած են Տինքի գործի բացայայտման ու նման դէպքերու կանխարգելման ուղղուած խորհրդարանական հետաքննութիւն իրականացնել, սակայն ԺԴԿ-ի առաջարկը չէ ընդունուած օրակարգ։
Ընդդիմադիր «T24» լրատուակայքի տեղեկացմամբ, իր ելոյթի աւարտին Փայլան հայերէնով ըսած է․ «Աստուած հոգիդ լուսաւորէ։ Շատ ապրիս, Հրանդ»: Սակայն խորհրդարանի արձանագրութիւններուն մէջ Փայլանի խօսքերու փոխարէն միայն «X» նշան դրուած է։
Նշենք, որ աւելի կանուխ Թուրքիոյ խորհրդարանէն ներս հնչած արաբերէն եւ քրտերէն արտայայտութիւններ եւս արձանագրութիւններու մէջ նշուած էին «X» նշանով։
