Թուրքիոյ Պուրսա քաղաքի Ուլուտաղի համալսարանին մէջ Հայաստանի եւ Ատրպէյճանի դրօշակներուն համար մեծ աղմուկ յառաջացած է:
Ըստ «News.am»-ի՝ Ուլուտաղի ազրպէյճանցի ուսանողները յայտարարած են, թէ Դեկտեմբեր 5–ին նկատած են, որ Ազրպէյճանի դրօշակը կը բացակայի համալսարանի առջեւը: Համալսարանին մէջ անոնց պարզաբանած են, թէ դրօշակները կը նորոգուին եւ մէկ շաբաթ անց նոր դրօշակ պիտի տեղադրուի:
Մէկ շաբաթ անց՝ ազրպէյճանցի ուսանողները տեսած են, որ դեռ դրօշակը չկայ, ուստի համալսարանի ղեկավարութեան յայտնած են, որ կ’ուզեն իրենց ուժերով կախել Ազրպէյճանի դրօշակը:
Սակայն դրօշակներու հարցերով պատասխանատու, իսլամի պատմութեան դասախօս, փրոֆէսոր Սալիհ Փայը ազրպէյճանցի ուսանողներուն ըսած է, որ օրեր առաջ անհետացած է Հայաստանի դրօշակը եւ կասկածը նոյն ինքն ազրպէյճանցիներուն վրայ է, եւ եթէ անոնք վերադարձնեն Հայաստանի դրօշակը, փրոֆէսորը պիտի կախէ նաեւ Ատրպէյճանի դրօշակը:
Ազրպէյճանցիները յաջորդ օրը որոշած են երթալ համալասարան եւ ինքնուրոյն կախել իրենց երկրի դրօշակը, սակայն անոնք շատ զարմացած են, երբ տեսած են մեծ թիւով ոստիկանական մեքենաներ համալսարանին բակը:
Ազրպէյճանցի ուսանողները ստիպուած համալսարանէն դուրս բողոք իրականացուցած են:
Այս թեման մեծ արձագանգ գտած է միայն ազրպէյճանական մամուլի մէջ։
