Պրազիլի մէջ Դաշնային Հանրապետութեան արտաքին յարաբերութիւններու նախարար Ալոիզիոյ Նունէս Ֆերէիրան Նոյեմբեր 17-ին Ծիծեռնակաբերդի յուշահամալիր իր այցելութեամբ յարգանքի տուրք մատուցեց Հայոց Ցեղասպանութեան զոհերու յիշատակին: ի դէպ, Ալոիզիոյ Նունէս Ֆերէիրան Պրազիլի Ծերակոյտին մէջ 2015-ի Մայիս 27-ին, որպէս օրէնսդիր մարմնի անդամ նախաձեռնած է Հայոց Ցեղասպանութեան ճանաչման եւ դատապարտման բանաձեւի ընդունումը:
Պրազիլացի նախարարին կ՛ուղեկցէին Երեւանի քաղաքապետի տեղակալ Դաւիթ Օհանեանը եւ ԳԱԱ Հայոց Ցեղասպանութեան թանգարան-հիմնարկի տնօրէնի ժամանակաւոր պաշտօնակատար Գէորգ Վարդանեանը:
Այնուհետեւ Ալոիզիոյ Նունէս Ֆերէիրան այցելած է Հայոց Ցեղասպանութեան թանգարան ու ծանօթացած ցուցանմուշներուն: Թանգարանին կից պուրակին մէջ նախարարը տնկած է խորհրդանշական եղեւնի:
