Լոյս տեսած է Հասատան ապրող եւ ստեղծագործող Աննա Կոստանեանի «Անմահութեան մարտիկները» գիրքը, որ նուիրուած է ապրիլեան պատերազմի ժամանակ, ինչպէս նաեւ մինչ այդ եւ ատկէ ետք թշնամիին կողմէ հրադադարը խախտելու հետեւանքով նահատակուած հերոսներուն:
Ըստ «Արցախփրես»-ի՝ գիրքին հեղինակը ըսած է, որ նախաձեռնութիւնը կեանքի կոչելու նպատակով ինք այցելած է զոհուած զինծառայողներու հարազատներուն, հաւաքագրած ողջ տեղեկատուութիւնը:
Դեկտեմբեր 1-ին տեղի պիտի ունանայ գիրքին շնորհանդէսը, ուր պիտի հնչեն գրողին հեղինակած ռազմահայրենասիրական երգերը:
Անիկա տրամաբանական շարունակութիւնն է հերոսներու դիմանկարներու ցուցահանդէսին, որ պիտի կայանայ Նոյեմբեր 23-ին, Հայաստանի բնութեան պետական թանգարանին մէջ:
