Բռնցքամարտի Հայաստանի երիտասարդների հավաքականն անցկացրեց վերջին մարզումը Եվրոպայի առաջնությունից առաջ:
Այս մասին «Արմենպրես»–ին տեղեկացրին բռնցքամարտի ֆեդերացիայից: «Նախապատրաստական շրջանի առաջին մասը ֆիզիկական պատրաստվածության համար էր, երկրորդ փուլն անցկացրեցինք Օլիմպավանում՝ շեշտը դնելով տեխնիկատակտիկական պատրաստվածության վրա: Հավաքականում նորեկներ կան, բայց դա չի խանգարի նրանց, քանի որ բոլորն էլ միջազգային մրցաշարերի փորձ ունեն: Սպասում ենք մեդալների, իսկ թե ինչ գույնի կլինեն դրանք, արդեն ռինգը ցույց կտա»,- Ոսկանյանի խոսքերը մեջ է բերում ֆեդերացիան:
Հայաստանի երիտասարդների հավաքականն ավագ մարզիչ Դերենիկ Ոսկանյանի գլխավորությամբ այս գիշեր կմեկնի Թուրքիայի Անթալիա քաղաք, որտեղ հոկտեմբերի 20-29-ը կմասնակցի Եվրոպայի երիտասարդական առաջնությունը: Անթալիայում Հայաստանը կներկայանա 9 մարզիկով:
