Հայաստանի բասկետբոլի մինչև 16 տարեկանների առաջնությունում հանգստյան օրերին տեղի ունեցան երրորդ տուրի հանդիպումները:
«Արմենպրես»-ի հաղորդմամբ` երրորդ տուրում ԽՄՕՄՄ-ը տարավ իր երրորդ անընդմեջ հաղթանակը` 51-36 հաշվով առավելության հասնելով «Արաբկիր»-ի նկատմամբ:
«Պոլիտեխնիկ»-ը սեփական հարկի տակ 30-36 հաշվով պարտվեց «Արարատ»-ին: «Արաբկիր»-«Աջափնյակ» հանդիպումն ավարտվեց 62-47՝ ի օգուտ «Արաբկիր»-ի:
«Գրանդ սպորտ»-ը ևս տոնեց իր երրորդ անընդմեջ հաղթանակը, այս անգամ 61-44 հաշվով հաղթելով «Վանաձոր»-ին:
Տուրի վերջին խաղում «Արթիկ»-ը սեփական հարկի տակ 60-38 հաշվով առավելության հասավ «Գյումրի»-ի նկատմամբ:
Հոկտեմբերի 16-ին ՀՀ մինչև 16 տարեկանների առաջնությունում իր առաջին հանդիպումը կանցկացնի «Արցախը», մրցելով «Վանաձորի» հետ:
