Վերնիսաժի հարեւանությամբ, Թուֆենկյան հյուրանոցի մոտ հրաձգության արդյունքում վիրավորում ստացած Վահագն Աբգարյանին այս պահին վիրահատում են: «Արմենպրես»-ի հետ զրույցում «Աստղիկ» ԲԿ-ի գլխավոր բժիշկ Ռոբերտ Կուրղինյանն ասաց, որ վիրահատությունը կավարտվի մեկ ժամից: «Վիրավորը կրծքավանդակի աջ կողմում եւ նախաբազկային հատվածում վնասվածք է ստացել»,-ասաց նա:
Թուֆենկյան հյուրանոցի մուտքի մոտ սեպտեմբերի 14-ին անհայտ անձը կրակոցներ է հնչեցրել, ինչի արդյունքում սպանվել է 43-ամյա Գ. Մոսինյանը:
Ստեղծվել է քննչական խումբ եւ իրականացվում են ակտիվ քննչական, օպերատիվ-հետախուզական միջոցառումներ՝ դեպքի բոլոր հանգամանքները պարզելու ուղղությամբ։
