Հայտնի է «Երևան օփեն» միջազգային շախմատային մրցաշարի մասնակիցների քանակը:
«Արմենպրես»-ի հաղորդմամբ` Երևանի շախմատի ֆեդերացիան հրապարակել է «Երևան Օփեն» միջազգային մրցաշարի մեկնարկային կազմը: Այս տարի «Երևան Օփեն» -ին կմասնակցի 12 երկրների 126 շախմատիստ, այդ թվում՝ 18 միջազգային գրոսմայստեր:
Սեպտեմբերի 18-27-ը Երևանի շախմատի ֆեդերացիան կազմակերպում է «Երևան Օփեն» շախմատի միջազգային մրցաշարը: Այս տարվա մրցանակային ֆոնդը կազմում է 18 հազար ԱՄՆ դոլար: Մրցաշարը կանցկացվի շվեյցարական մրցակարգով, 9 տուրով:
