Գյուղմթերքի երրորդ տոնավաճառը կբացվի սեպտեմբերի 9-ին` Նոր նորքի առաջին զանգվածում, «Պալաս» առեւտրի կենտրոնի ետնամասում: «Արմենպրես»-ի հաղորդմամբ` լրագրողների հետ հանդիպմանը ՀՀ գյուղատնտեսության փոխնախարար Ռոբերտ Մակարյանն ասաց, որ մասնավորը գյուղացիներին տարածքը կտրամադրի անվճար շաբաթ եւ կիրակի օրերին: «Տոնավաճառը կգործի մինչեւ տարեվերջ: 100 տեղերից 60-ը արդեն զբաղված են»,-ասաց նա:
Մակարյանի խոսքով` տոնավաճառը սպասված է թե գյուղացիների, եւ թե բնակիչների համար:
Գյուղմթերքի տոնավաճառներ գործում են նաեւ Կասյան փողոցի և Մաշտոցի պողոտայի հարակից տարածքներում:
