Հայփոստի 0009 բաժանմունքում այսուհետ կգործի «Շոփին Ամերիկա»-ի նոր, անվանափոխված «Շոփին» առաջնային գրասենյակը: Այն ներկայանում է թե նոր, թարմ երանգներով, թե առավել մատչելի առաջարկներով: Շոփինն իր հաճախորդներին առաջարկում է Հայաստանում գործող ամենամատչելի առաքման սակագինը՝ 1 կգ պատվերը՝ 5 դոլարով, իսկ 400 գրամը չգերազանցող առաքանիների դեպքում՝ ընդամենը 2 դոլար: Գրասենյակի բացումը կատարեցին «Շոփին»-ի հավատարիմ հաճախորդները:
«Հայփոստ Թրասթ Մենեջմենթ» ՓԲԸ
ոգեւորված է, որ երկու տարի առաջ Կալիֆոռնիայում այս ծառայությունը ստեղծելուց հետո կարողացել են գրասենյակ հիմնել թե Հայաստանում, թե ԱՄՆ եւս մեկ նահանգում՝ Դելավերում:
«Նախեւառաջ, շնորհավորում եմ բոլորին, ոչ միայն Երեւանում, այլեւ ողջ Հայաստանում. ինչու, որովհետեւ սա հասանելի է ողջ երկրում, բոլորն ունեն այս ծառայությունից օգտվելու հնարավորություն: Այսօր մենք երկրորդ գրասենյակն ենք բացում ԱՄՆ-ում, մասնավորապես՝ Դելավերում, որտեղ մեր հաճախորդները հնարավորություն կունենան իրենց գնումները կատարել առանց հարկերի: Ինչպես տեսնում եք, մենք նոր, ավելի ժամանակակից, երիտասարդ ու թարմ տեսք ենք տվել մեր գրասենյակին»,-«Արմենպրես»-ի հաղորդմամբ՝ լրագրողների հետ զրույցում ասաց նա:
Խուան Պաբլո Գեչիջյանը հայտարարեց, որ «Շոփին»-ի առանձնահատկությունների թվում է նաեւ մաքսային վճարումները տեղում կատարելու հնարավորությունը:
«Այսինքն կարիք չկա մեկ այլ վայրում վճարել, դա պարզապես հնարավոր է անել «Հայփոստ»-ի մոտակա բաժանմունքում: Առկա է նաեւ տուն առաքման ծառայությունը»,-ասաց Խուան Պաբլո Գեչիջյանը՝ վստահեցնելով, որ «Հայփոստ»-ը, լինելով Հայաստանում փոստային ծառայություն մատուցող ամենամեծ ընկերությունը, առաջարկում է շատ ավելի լայն հնարավորություններ, քան մյուսները:
