Գեղարքունիքի մարզի ճամբարակ քաղաքում պետական բյուջեի միջոցներով սկսվել եւ ընթանում են բազմաբնակարան 3 շենքերի տանիքների հիմնանորոգման աշխատանքները: Ինչպես «Արմենպրես»-ին տեղեկացրեց Գեղարքունիքի մարզպետարանի աշխատակազմի քաղաքաշինության վարչության պետ Արմեն Զոհրաբյանը, բազմաբնակարան շենքերի տանիքների նորոգման համար պետբյուջեից հատկացվել է 34 միլիոն դրամ: Շինարարական աշխատանքները մեկնարկել են օգոստոսի վերջերից եւ կավարտվեն հոկտեմբերին: Շինարարությունն իրականացնում է «Նիկ Դավ Գրուպ» ընկերությունը: «Ամբողջությամբ հեռացվելու են տանիքների փայտե մասերը եւ ազբեստյա շիֆերները, որոնք հիմնականում կորցրել են շահագործման հետագա պիտանիությունը, եւ փոխարենը կառուցվելու է ցինկապատ լանջավոր տանիք»,- նշեց քաղաքաշինության վարչության պետը:
Խոսրով Խլղաթյան
