ԱՆՈՆՍ
07 սեպտեմբեր, 2017
|
Ժամը |
Վայրը |
Միջոցառումներ |
«Արմենպրեսը»-ըկլուսաբանի |
|
|
ՀՀ կառավարություն |
|
|
|
11:00-ին |
Կառավարությունում |
տեղի կունենա ՀՀ կառավարության հերթական նիստը: |
V |
|
|
Պետական կառույցներ |
|
|
|
14:00-ին |
Մատենադարանի նիստերի դահլիճում (Մաշտոցի պողոտա 53, նոր մասնաշենք, 3-րդ հարկ) |
ՀՀ սփյուռքի նախարարության նախաձեռնությամբ, Մաշտոցի անվան Մատենադարանի և Թեհրանի Փերիո Կրթասիրաց միության համագործակցությամբ տեղի կունենա Ստեփանոս Երեց Հազարջրիբեցու (18-րդ դար) «Հանգիտագիրք» պատմագրքի գրաբար բնագրի և աշխարհաբար փոխադրությամբ գրքի շնորհանդեսը: Գիրքը հրատարակվել է Թեհրանի «Ալիք» տպարանում՝ Փերիո Կրթասիրաց միության վարչության նախաձեռնությամբ: Սփյուռքի նախարար Հրանուշ Հակոբյանի ողջույնի խոսքը մասնակիցներին կփոխանցի նախարարի տեղակալ Սերժ Սրապիոնյանը: Միջոցառմանը կմասնակցեն Հայաստանում ԻԻՀ արտակարգ և լիազոր դեսպան Սեյեդ Քազեմ Սաջադը, ՀՀ ԿԳ նախարար Լևոն Մկրտչյանը: |
V |
|
|
Մամուլի ակումբներ |
|
|
|
11:00-ին |
Sputnik Արմենիա մամուլի կենտրոնում |
տեղի կունենա ասուլիս, որի ընթացքում կամփոփվեն «Զորաց քարեր» հուշարձանի տարածքում հնագիտական պեղումների արդյունքները: Ասուլիսի մասնակիցները կխոսեն կենտրոնական դամբարանի պեղումներից հայտնաբերված գտածոների մասին: Ասուլիսի ընթացքում կներկայացվեն նաև պեղումներից հայտնաբերված հնագիտական արժեք ներկայացնող որոշ իրեր: Բանախոսներ՝ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ տնօրենի տեղակալ Կարեն Փահլևանյան, «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի գիտնական քարտուղար, արշավախմբի ղեկավար Աշոտ Փիլիպոսյան։ |
V |
|
11:00-ին |
«Բլից ինֆո» մամուլի ակումբում |
«Ջրի սակագնի բարձրացում. ինչի վրա է ծախսվում հայ ժողովրդի փողերը: «Վեոլիա ջուր» ընկերության կողմից կառավարության հետ կնքած պայմանագրի շրջանակում լուրջ խախտումներ են արձանագրվել: «Ժողովրդի ձայնը» ակումբը հանդես կգա աղմկահարույց հայտարարությամբ և բացահայտումներով» թեմային կանդրադառնան փորձագետներ Արման Ղուկասյանը և Ծովինար Կոստանյանը: |
|
|
11:30-ին |
«Մեդիա կենտրոնում» |
տեղի կունենա քննարկում «Գնահատականներ և մտահոգիչ հարցեր «Ինֆորմատիկա»-ի դասագրքերի շուրջ» թեմայով: Բանախոսներ՝ Կրթության ազգային ինստիտուտի ինֆորմատիկայի և տեղեկատվական տեխնոլոգիաների բաժնի վարիչ Ռուզաննա Ստեփանյան, տեղեկատվական անվտանգության փորձագետ Սամվել Մարտիրոսյան, «Ինստիգեյթ ուսումնական կենտրոն» հիմնադրամի կրթական ծրագրերի մեթոդաբան Հասմիկ Այվազյան, Հայ-հնդկական ՏՀՏ գերազանցության կենտրոնի ծրագրային մասնագետ Սաթենիկ Բարսեղյան: |
V |
|
12:00-ին |
Sputnik Արմենիա մամուլի կենտրոնում |
տեղի կունենա մամուլի ասուլիս՝ «Արմենիա Տուրիստիչեսկայա-2017» ամենամյա մրցանակաբաշխությանն ընդառաջ։ 2017 թվականի աշնանը տեղի կունենա «Արմենիա Տուրիստիչեսկայա-2017»ամենամյա մրցանակաբաշխությունը, որտեղ մրցանակներ են ստանում զբոսաշրջության ոլորտի լավագույնները։ 12 անվանակարգ կա, դրանց թվում՝ Էքստրեմալ տուրիզմի տարվա լավագույն նախագիծ, Ազգային ավանդույթների պահպանման տարվա լավագույն նախագիծ, Տարվա թանգարան և այլն։ Ասուլիսի բանախոսներ՝ «Արմենիա Տուրիստիչեսկայա» ամսագրի տնօրեն Լիլիթ Հովհաննիսյան, ամսագրի գլխավոր խմբագիր Ռուբեն Փաշինյան, «Արմենիա Տուրիստիչեսկայա» մրցանակաբաշխության ղեկավար Անահիտ Գևորգյան, մրցանակաբաշխության համակարգող Նարինե Սարգսյան։ |
|
|
13:00-ին |
«Տեսակետ» մամուլի ակումբի |
հյուրն է լեզվաբան, մանկ.գիտ.թեկնածու, պրոֆեսոր, Լեզվի պետական տեսչության նախկին պետ Լավրենտի Միրզոյանը: Թեման. «Սեպտեմբերի 8-ին՝ Գրագիտության միջազգային օրվան ընդառաջ: 21-րդ դարի մարտահրավերները փոքրաթիվ ժողովուրդների լեզուներին: Մայրենիի պահպանության հարցը և գրագետ մասնագետների պակասը: Դպրոցների օպտիմալացում: Փողոցների անվանափոխություն»: |
V |
|
13:00-ին |
«Հոդված 3» մամուլի ակումբում (Թումանյան 26 ա) |
տեղի կունենա «Սոսե» միջազգային կինոփառատոնի մամուլի ասուլիսը: Բանախոսներ՝ «Սոսե» միջազգային կինոփառատոնի հիմնադիր, գեղարվեստական ղեկավար Ռիտա Խալաթյան, հիմնադիր-տնօրեն Սիմոն Սահակյան, կինոռեժիսոր, պրոդյուսեր, «Սոսե» միջազգային կինոփառատոնի ժյուրիի անդամ Հովհաննես Գալստյան: Նրանք կներկայացնեն հիմնական և մրցութային ծրագրում ընդգրկված ֆիլմացանկը, կինոդիտումների օրերը, ծրագրային այլ մանրամասներ, ինչպես նաև կամփոփեն նախորդ տարիների գրանցած արդյունքները: |
|
|
13:00-ին |
«Հայացք» մամուլի ակումբի |
հյուրերն են ԱՀԹ տեղեկատվական բաժնի հոգևոր համակարգող Տեր Եսայի քահանա Արթենյանը, հոգեբան Լաուրա Պետրոսյանը և Շենգավիթ բժշկական կենտրոնի մանկաբարձ-գինեկոլոգ Ռուսուդան Վարդանյանը: Թեման՝ Հայ Առաքելական եկեղեցին նշում է Մարիամ Աստվածածնի ծննդյան օրը, բոլոր եկեղեցիներում կմատուցվի սուրբ պատարագ, մոր կերպարը մեր օրերում, խնդիրներ, պատասխանատվություն: |
V |
|
|
Մշակույթ |
|
|
|
15:30-ին |
Հովհաննես Շարամբեյանի անվան ժողովրդական արվեստի կենտրոնում |
տեղի կունենա կարճատև ասուլիս՝ նվիրված հայ-ճապոնական դիվանագիտական հարաբերությունների 25-ամյակին: ՀՀ-ում Ճապոնիայի արտակարգ և լիազոր դեսպան Էյջի Տագուչին լրագրողների հետ կզրուցի հայ-ճապոնական հարաբերությունների 25-ամյակին նվիրված «Տոհոկուի գեղեցիկ ձեռարվեստը» խորագրով ցուցահանդեսի խորհրդի և երկու երկների բարեկամության մասին: Դեսպանը լրագրողների հետ շփվելու համար ընդամենը ունենալու է 15 րոպե ժամանակ, հորդորում ենք չուշանալ: Ասուլիսից հետո, ժամը 16:00-ին տեղի կունենա ցուցահանդեսի բացումը, իսկ մինչ այդ լրագրողներն ու օպերատորները ժամանակ կունանեն կադրեր հավաքելու և ձայնագրթյուններ անելու համար: |
V |
|
18:30-ին |
Նկարիչների միությունում |
կբացվի նկարիչ, մոդելավորող, ոճաբան, դեֆիլեի մասնագետ Շուշան Սարգսյանի աշխատանքներն ամփոփող «Մայրամուտից լուսաբաց» խորագրով ցուցահանդեսը: «Նոր մոտեցում՝ հնին ու նորին» կարգախոսով ցուցահանդեսում ներկայացված է հեղինակի 30 աշխատանք: Կներկայացվեն գրաֆիկաներ, գունանակարներ, կերպարային-քանդակ և դեկորատիվ կիրառական աշխատանքներ: Շ.Սարգսյանը 2012 թվականից Shushan Design Studio-ի հիմնադիրն ու գլխավոր դիզայներն է: |
|
|
18:30-ին |
«Բուկինիստ» գրախանութում (Մաշտոցի 20) |
տեղի կունենա հայ ժամանակակից գրող Դավիթ Սամվելյանի «Ռոդենի ձմեռը» գրքի շնորհանդեսը: Գիրքն իր մեջ ներառում է պատմվածքներ ու էսսեներ, որոնց առանցքային թեմաներն են մարդկային բնավորությունների ու խառնվածքների հակադրությունները, շատերիս հիշողություններում դեռ թարմ «մութ ու ցուրտ տարիները», այդ օրերի կոլորիտը, մարդկանց պահվածքի ու ներաշխարհի, փոխհարաբերությունների փոփոխությունները տարիների ընթացքում։ |
V |
