Նոյեմբերին մեկնարկելու է Եվրոպայի 2021 թվականի բասկետբոլի նախընտրական առաջին փուլը, որին մասնակցելու է նաև Հայաստանի ազգային հավաքականը:
«Արմենպրես»-ի փոխանցմամբ` նախընտրական B ենթախմբում Հայաստանի հավաքականի մրցակիցներն են լինելու Ալբանիայի և Դանիայի հավաքականները: 2017 թվականի նոյեմբերի 23-ին կկայանա Ալբանիա-Հայաստան, իսկ նոյեմբերի 26-ին` Հայաստան-Դանիա հանդիպումները: 2018 թվականին փետրվարի 25-ին կմրցեն Հայաստանի և Ալբանիայի ընտրանիները: Վերջին հանդիպումը բասկետբոլի հավաքականը կանցկացնի հունիսի 28-ին` մրցելով Դանիայի դեմ:
Եվրոպայի առաջնության նախընտրական փուլին մասնակցում են 9 հավաքականներ, որոնք ընդգրկված են 3 ենթախմբերում: Հաջորդ փուլի ուղեգիր են նվաճելու ենթախմբերում 1-ին հորիզոնականները գրաված թիմերը և 2-րդ տեղում հայտնված թիմերի շարքում լավագույն ցուցանիշը ունեցող հավաքականը:
