ՀՀ Սփիւռքի Նախարար Հրանոյշ Յակոբեան աշխատանքային այցով օրերս կը գտնուի Լիբանան` մասնակցելու Յուլիս 11-13 Մեծի տանն Կիլիկիոյ Կաթողիկոսութեան նախաձեռնութեամբ Պիքֆայայի Վանքին մէջ կայանալիք «Սփիւռքը նոր հորիզոններու դիմաց սփիւռքահայուն ինքնահասկացողութիւնը» խորագիրով համագումարին:
Համագումարը կը մեկնարկէ այսօր Մեծի Տանն Կիլիկիոյ Կաթողիկոս Ն.Ս.Օ.Տ.Տ. Արամ Ա. Վեհափառի օրհնանքով, ողջոյնի խօսքով հանդէս կու գայ ՀՀ Սփիւռքի նախարար Հրանոյշ Յակոբեան: Համագումարին կը մասնակցին գիտնականներ, ակադեմականներ, հոգեւորականներ, պետական եւ հասարակական գործիչներ Հայաստանէն եւ Սփիւռքէն:
