ՀՀ Ազգային ժողովի պաշտպանութեան եւ անվտանգութեան հարցերու մշտական յանձնաժողովի նախագահ Կորիւն Նահապետեան համառօտ ներկայացուց, թէ հիմնականօրէն ինչ սպառազինութեամբ համալրուած է հայկական բանակը 2016-ին:
Ազգային ժողովին մէջ Հայաստանի 2016-ի պետական պիւտճէի կատարման հաշուետուութեան քննարկման ժամանակ Կորիւն Նահապետեան ընդգծած է, որ հայկական զինուած ուժերը 2016-ին ապահովուած են նոր զենիթահրթիռային համալիրներով, փոխադրամիջոցներով, արհեստագիտականօրէն յագեցուած են մարտական հերթապահութիւն իրականացնող զօրամասերը:
«Ձեռք բերուած են ջերմատեսիլ դիտարկման համակարգեր, նշանոցներ: Առաջնագիծի ստորաբաժանումները յագեցուած են արհեստագիտական նոր միջոցներով, իրականացուած են համապատասխան երկրաչափական աշխատանքներ»,- «Արմենփրէս»-ի փոխանցմամբ` ըսած է պատգամաւորը:
