«Կրանտ Հոլտինկ»-ի սեփականատէր Կարէն Վարդանեանի կողմէ կանանց միջազգային տօնին ընդառաջ 6 եւ աւելի անչափահաս երեխայ ունեցող 8 հերոս մայրերու առանձնատուներ տրուած են, իսկ երկուքին իրենց ցանկութեամբ` գիւղատնտեսական մեքենաներ:
Տաւուշի մարզը Ազրպէյճանի հետ ամենաերկար սահմանը ունի` 352 քմ․: Հակառակ վտանգին ու ընկերային ծանր պայմաններուն` մարդիկ կը մնան ու կ՛ապրին կրակի տակ` մեծցնելով սահմանի նոր պաշտպաններ ու ապագայ մայրեր: Տաւուշի սահմանամերձ գիւղերուն մէջ 6 եւ աւելի անչափահաս երեխայ ունեցող 10 ընտանիք կայ: Անոնք բոլորն ալ անմխիթար պայմաններու մէջ կ՛ապրին: Այս ընտանիքներուն օգնութեան ձեռք մեկնած է «Կրանտ Հոլտինկ»-ի սեփականատէր Կարէն Վարդանեանը:
Անկախ այս բոլորէն, քանի մը ընտանիքի միջեւ ալ 14 գլուխ մանր եւ 36 խոշոր եղջերաւոր անասուններ բաշխուած են։ Բոլոր ընտանիքներուն տրամադրուած է կահոյք, սառնարան, կազօճախ, լուացքի ու կարի մեքենաներ, հեռուստացոյց:
Ընդհանուր հաշուով, Տաւուշի մարզի սահմանամերձ համայնքներու 6 եւ աւելի անչափահաս զաւակ ունեցող բոլոր 10 ընտանիքներուն կարիքները հոգալու համար, Կարէն Վարդանեանը յատկացուցած է 96 միլիոն դրամ:
