Թրքական Multi Contact ընկերութիւնը պատրաստ է բաղադրիչներ մատակարարել Հայաստանի մէջ արեւային ելեկտրակայաններու համար: Այս մասին, ըստ News.am–ի, ըսած է ընկերութեան ներկայացուցիչ Արթուն Իստեփան Սաբչեան:
Ընկերութիւնը կ’արտադրէ ելեկտրական համակարգերու միակցիչներ, ներառեալ` ելեկտրակայաններու համար, որոնք արեւային վահանակը կը միացնեն փոխարկիչին (հաստատուն հոսանքը փոփոխական դարձնող սարք):
«Մենք կը ներմուծենք Գերմանիայէն եւ Զուիցերիայէն, եւ կ’աշխատինք դրացի երկիրներու, նաեւ` նախկին Խորհրդային հանրապետութիւններու հետ: Մենք արդէն տեղադրած ենք ընդհանուր 130 կիկաուաթ հզօրութեան միակցիչներ ելեկտրակայաններու համար:
Հայաստան կը գտնուիմ երկրորդ անգամ ըլլալով: Կը նախատեսեմ ընդլայնել կապերս ուժանիւթով զբաղող հայրենակիցներու հետ»,- ընդգծած է Սաբչեան:
