Դպրոցներու մէջ Հայոց ցեղասպանութեան պատմութեան պարտադիր ուսուցանումը կարեւոր քայլ է յատկապէս Ֆրեզնոյի համար, ուր հայկական մեծ համայնք կայ: Այս մասին կը հաղորդէ The Fresno Bee-ն:
Յօդուածին համաձայն` այս տարի Քալիֆորնիոյ Կրթութեան հարցերու խորհուրդը հաւանութիւն տուած է Հայոց ցեղասպանութեան թեմայի դասաւանդման ծրագիրին: անկէ անկախ, խորհուրդ կը տրուի թեման դասաւանդելու ատեն զուգահեռներ անցնիլ Հոլոքոսթի հետ: Ուսուցիչները պէտք է նաեւ տեղեկութիւններ տրամադրեն ցեղասպանութեան «ամերիկեան աննախադէպ մարդասիրական արձագանգ»-ի մասին: Օգնութիւն ցուցաբերելու համար աւելի քան 117 միլիոն տոլար հաւաքուած է եւ աւելի քան 1 միլիոն փախստականի կեանք փրկուած:
Նոր նիւթերը, որոնց նպատակը դպրոցականներուն պատմական իրադարձութիւններու մասին քննադատօրէն մտածել սորվեցնելն է, դասագիրքերուն մէջ պիտի ներառուին 2018 թուականին:
