Հարաւային Ռուսաստանի հայոց թեմի «Վարդանեան» կրթամշակութային կեդրոնը քառօրեայ պատերազմէն անմիջապէս ետք ծաւալած է Արցախի պաշտպանութեան օգնելու գործունէութիւն: Կեդրոնին պատկանող «Նարեկ» համոյթը, «Արմատ» դպրոցը եւ Երիտասարդական կազմակերպութիւնը կազմակերպած են շարք մը բարեգործական ձեռնարկներ:
Ըստ «Հայերն այսօր»-ի` հաւաքուած գումարները «Արմատ» դպրոցի ուսմասվար Երազիկ Յարութիւնեանի, ուսուցչուհի Արշալոյս Երեմեանի, Առաջնորդարանի տնօրէն Մարգարիտա Սիմոնեանի եւ Երիտասարդական կազմակերպութեան անդամներ՝ Արեւիկ Թամրազեանի եւ Էսթեր Արզումանովայի ջանքերով տրամադրուած է Արցախի բանակին:
