Հոկտեմբեր 31ի լոյս Նոյեմբեր 1ի գիշերը ղարաբաղա-ազրպէյճանական հակամարտ զօրքերու սահամագիծին վրայ հակառակորդը հրադադարը խախտած է աւելի քան 55 անգամ, որուն ընթացքին, տարբեր տրամաչափի հրաձգային զինատեսակներէ, հայ դիրքապահներու ուղղութեամբ արձակուած է շուրջ 840 կրակոց: Սահմանագիծի հիւսիսային ուղղութեամբ, բացի հրաձգային զինատեսակներէ, ազրպէյճանական զինուժը կիրառած է նաեւ ձեռքի հակատանկային նռնականետ (ՌՊԳ-7 /3 արկ/):
Հակառակորդին նախայարձակ աշխուժութիւնը ճնշելու համար, ՊԲ յառաջապահ զօրամասերը դիմած են պատասխան գործողութիւններու եւ շարունակած վստահօրէն իրականացնել իրենց առջեւ դրուած մարտական խնդիրը:
