Պոլսոյ հայկական «Ակօս» պարբերականի նախկին գլխաւոր խմբագիր Հրանդ Տինքի սպանութեան գործով կասկածեալ Էնկին Տինչը, որ կը զբաղեցնէր Տրապիզոնի ոստիկանութեան հետախուզական բաժինի պետի պաշտօնը, նշականուած է Էսքիշեհիրի ոստիկանութեան պետի պաշտօնին: Այս մասին՝ ըստ «Երկիրմեդիա»-ի՝ կը տեղեկացնէ թրքական «Հուրիէթ» պարբերականը:
Ընդհանուր առմամբ, երկրին մէջ նշանակումներ եղած են 34 նահանգներու ոստիկանական վարչութիւններուն մէջ:
Սթամպուլի ծանր յանցագործութիւնները քննող 14րդ դատարանին մէջ Հոկտեմբեր 10ին կայացած Տինքի սպանութեան դատական նիստին առաջին անգամ ներկայ գտնուած է սպանութեան գործի կասկածեալ Էնկին Տինչը: Մինչեւ պաշտպանական ելոյթը սկսիլը՝ Էնկին Տինչը նշած էր, որ կը ցաւի Հրանդ Տինքի սպանութեան համար: Գործի ծիրէն ներս «պաշտօնէական դիրքի չարաշահման» մեղադրանքով Տինչին կը սպառնայ 15-22 տարուան ազատազրկում:
