Թուրքիոյ մէջ քրտաբնակ քաղաքներու քաղաքապետարաններուն մէջ պետութեան նշանակած հարկադիր կատարողներու առաջին գործը եղած է հայերէնով գրութիւնները հանելը, կը գրէ News.am-ը:
Թրքական CNNturk–ի փոխանցմամբ` Մարտինի Տերիկի քաղաքապետարանին մէջ պետութեան կողմէ նշանակուած հարկադիր կատարողները, որոնց գործառոյթը քաղաքապետի փոխարէն կառավարել քաղաքը, քաղաքապետարանի մուտքէն հանած են հայերէնով գրուած Տերիկի քաղաքապետարան գրութիւնը:
Նշենք, որ թրքական իշխանութիւնները քիւրտ քաղաքապետները կը մեղադրեն քիւրտ զինեալներուն օգնելու մէջ եւ զանոնք հեռացուցած են իրենց պարտականութիւններէն: Քիւրտ քաղաքապետներու փոխարէն պետութիւնը հարկադիր կատարողներ նշանակած է իբրեւ քաղաքներու ժամանակաւոր կառավարիչներ:
