ՀՀ Նախագահ Սերժ Սարգսեան ընդունած է ՀՀ կառավարութեան հրաժարականը: ՀՀ Նախագահի պաշտօնական կայքին համաձայն՝ Նախագահի հրամանագիրին մէջ մասնաւորապէս ըսուած է.
«Ղեկավարուելով 2005 թուականի փոփոխութիւններով` Հայաստանի Հանրապետութեան Սահմանադրութեան 55-րդ յօդուածի 4-րդ կէտով եւ հիմք ընդունելով Հայաստանի Հանրապետութեան վարչապետ Յովիկ Աբրահամեանի ներկայացուցած հրաժարականը` կ՝որոշեմ.
- Ընդունիլ Հայաստանի Հանրապետութեան կառավարութեան հրաժարականը:
- Հայաստանի Հանրապետութեան կառավարութեան անդամներուն` շարունակել պարտականութիւններու կատարումը մինչեւ նոր կառավարութեան կազմաւորումը:
- Սոյն հրամանագիրը ուժի մէջ կը մտնէ ստորագրման պահէն»:
Յիշեցնենք, որ շաբաթ կառավարութեան հերթական նիստի աւարտին վարչապետ Յովիկ Աբրահամեան հանդէս եկած է յայտարարութեամբ` տեղեկացնելով, որ հրաժարական կու տայ: Աւելի ուշ ՀՀԿ խորհուրդի նիստին ժամանակ ՀՀ Նախագահ Սերժ Սարգսեան յայտարարեց, որ որոշում կայացուցած է վարչապետի պաշտօնին Կարէն Կարապետեանի թեկնածութիւնը առաջարկելու մասին:
