Օգոստոս 25-ին, ժամը 9.30-ին, ՀՀ սփիւռքի նախարարութեան եւ Երեւանի պետական համալսարանի նախաձեռնութեամբ Երեւանի պետական համալսարանին մէջ պիտի մեկնարկէ «Հայկական աշխարհը համացանցում» գիտաժողովը (հասցէ` ԵՊՀ, կեդրոնական մասնաշէնք, 5-րդ յարկ, գիտխորհուրդի նիստերու դահլիճ):
ՀՀ սփիւռքի նախարարութեան մամուլի վարչութեան փոխանցած տեղեկութիւններով՝ ողջոյնի խօսքով հանդէս պիտի գան ՀՀ սփիւռքի նախարար Հրանոյշ Յակոբեան, ԵՊՀ ղեկավար Արամ Սիմոնեան, «Սինոփսիս Արմէնիա» ընկերութեան գործադիր տնօրէն Յովիկ Մուսայէլեան:
Զեկուցումներով հանդէս պիտի գան գիտնականներ եւ ոլորտի մասնագէտներ Սփիւռքէն եւ Հայաստանէն:
«Հայկական աշխարհը համացանցի գիտակրթական հարթակում» խորագիրով նիւթերու ներկայացումէն ետք՝ տեղի պիտի ունենան քննարկումներ:
Գիտաժողովը աշխատանքը պիտի շարունակէ Օգոստոս 26–ին` «Տեղեկատուական անվտանգութեան մարտահրաւէրները համացանցում» նիւթերու նիստով:
