Այս տարուան Յունիսի վերջի դրութեամբ՝ Հայաստանի համախառն միջազգային պահեստները կազմած են 1 միլիառ 566.4 միլիոն տոլար: Համեմատելով նախորդ ամսուան հետ՝ կայ պահեստներու որոշ աճ, որ կազմած է 34.4 միլիոն տոլար կամ 2.2 տոկոս: Իսկ տարեսկզբին համեմատ՝ պահեստները նուազած են շուրջ 209 միլիոն տոլարով կամ 11.8 տոկոսով: Այս մասին, ըստ Hetq.am-ի, կը վկայեն Հայաստանի կեդրոնական դրամատան տուեալները:
Յունիսի աւարտի տուեալներով, պահեստներուն 1 միլիառ 560.6 միլիոն տոլարը կազմած են արտաքին հաշիւները (ազատ փոխարկելի արժոյթով): Հայաստանի միջազգային պահեստներուն մէջ ոսկի չկայ: Միեւնոյն ատեն Հայաստանի պետական պարտքը կը շարունակէ աւելնալ։
