Գիւմրիի «Մուշ-2» թաղամասի փողոցներէն մէկը պիտի կրէ «Ապրիլեան պատերազմի 7 հերոսներ»-ու փողոց անունը: Այս հարցը ըստ News.am-ի ընդգրկուած է Գիւմրիի աւագանիի Յունիս 16-ի նիստի օրակարգին մէջ:
Ըստ նախագիծին որոշումին ընդունումը նպատակ ունի յաւերժացնելու Քառօրեայ պատերազմին կռուած եւ հերոսաբար զոհուած գիւմրեցիներուն յիշատակը:
Ապրիլեան քառօրեայ պատերազմին զոհուած գիւմրեցիներն են՝ շարքային զինծառայողներ Վլատիմիր Մելքոնեանը, Գէորգ Վարդանեանը, Վիքթոր Եուզիխովիչը, Տիգրան Աբգարեանը, աւագ սպաներ Մերուժան Ստեփանեանը, Հրաչ Գալստեանը եւ փոխգնդապետ Ալեքսան Առաքելեանը։
