Տեսական եւ կիրառական քիմիագիտութեան միջազգային միութիւնը Մենտելէեւի աղիւսակին մէջ 4 նոր տարրեր պիտի աւելցնէ, որոնցմէ մէկը պիտի անուանակոչուի համաշխարհային ճանաչում ունեցող հայ քիմագէտին անունով, կը հաղորդէ armradio.am-ը:
Նիհոնիում, մոսկովիում, թենըսին եւ օգանեսոն (118-րդ տարր) տարրերէն վերջինը Եուրի Յովհաննիսեանի անունով է, որ «մեծ ներդրում ունի գերծանր քիմիական տարրերու յայտնաբերման եւ ուսումնասիրման գործին մէջ»։
Յայտնի է նաեւ, որ մոսկովիումը անուանակոչուած է Մոսկուայի պատուին, ուր փորձեր իրականացած են` քիմիական տարրը յայտնաբերելու նպատակով:
Նիհոնիումը Ճափոնիոյ անունէն է, ուր յայտնաբերուած է ան, իսկ Թենըսին` ԱՄՆ Թենըսի նահանգի անունէն:
Եուրի Յովհաննիսեան ծնած է 1933 թուականին Տոնի Ռոսթով: Խորհրդային յայտնի գիտնական է, միջուկային ֆիզիկայի մասնագէտ, Ռուսիոյ գիտութիւններու ակադեմիոյ անդամ:
