Շուէտի մէջ հայերը բողոքի ցոյց իրականացուցած են ընդդէմ Ազրպէյճանի կողմէ իրականացած յարձակումին, կը հաղորդէ News.am-ը:
Շուէտի հայ համայնքի անդամները հաւաքուած էին Շուէտի արտաքին գործոց նախարարութեան դիմաց՝ իրենց բողոքը ներկայացնելու Լեռնային Ղարաբաղի դէմ Ազրպէյճանի կողմէ սանձազերծուած պատերազմական գործողութիւններու կապակցութեամբ:
Ցոյցին մասնակիցները կոչ ըրած են Շուէտի իշխանութիւններուն, որ պարտադրեն Ազրպէյճանին դադրեցնել ԼՂՀ-ի դէմ իրականացող գործողութիւնները: Պաստառները կը պատկերէին նաեւ Ապրիլ 2-ին Թալիշ գիւղին մէջ ազրպէյճանական հրոսակներու կողմէ վայրագօրէն սպաննուած Խալափեաններու լուսանկարները՝ նշելով, որ նախայարձակ ազրպէյճանական զինուորները չեն խորշիր իրականացնելէ նման ռազմական յանցագործութիւններ:
