Ղարաբաղեան բախումներուն եւ Թուրքիոյ կեցուածքին անդրադարձաւ Ռուսիոյ արտաքին գործոց նախարար Սերկէյ Լավրով` լրագրողներու հետ հանդիպման ընթացքին: «Մենք կը պնդենք, որ Պաքուի եւ Երեւանի մէջ լսեն Մոսկուայէն, Ուաշինկթընէն եւ Փարիզէն ստացուող ազդակները։ Ռուսիան, ԱՄՆը եւ Ֆրանսան ԵԱՀԿ-ի Մինսքի խումբի համանախագահներն են», նշեց Լավրով։ Ակնարկելով Թուրքիոյ կեցուածքին ան ըսաւ. «Չեմ կրնար ըսել՝ Անգարան ունի՞, թէ՞չունի որեւէ դեր Լեռնային Ղարաբաղի մէջ, բայց համոզուած եմ, որ բոլորին, ներառեալ Թուրքիոյ եւ թուրք ժողովուրդի շահերէն կը բխի, եթէ Անգարան կարենայ կեդրոնանալ ահաբեկչութեան ցուցաբերուող աջակցութեան կրճատման վրայ»:
