Քույէթի ֆինանսաւորմամբ տարեցներու խնամքի եւ վերականգնման Երեւանի թիւ 1 տան նոր մասնաշէնքի բացման ժամանակ, Հայաստանի վարչապետ Յովիկ Աբրահամեան յայտարարեց, թէ «անհրաժեշտ է Երեւանի եւ Քուէյթի միջեւ թռիչքներ իրականացնել»: Մասնաշէնքի բացման ներկայ եղան նաեւ Քուէյթի արդարադատութեան, կրօնական կալուածներու եւ իսլամական հարցերու նախարար Եագուպ Աբտ ալՄոհսեն ալՍանիեն, Հայաստանի արդարադատութեան նախարար Արփինէ Յովհաննիսեանը, աշխատանքի եւ ընկերային հարցերու նախարար Արտեմ Ասատրեանը եւ այլ պաշտօնատարներ: Վարչապետ Աբրահամեան անհրաժեշտ համարեց գործարար կապերու սերտացման ուղղութեամբ հետեւողական քայլերու իրականացումը: Քույէթցի նախարարը իր կարգին նշեց, որ իր երկիրը մեծապէս կը կարեւորէ Հայաստանի հետ կապերու ընդլայնումը եւ պատրաստ է ներդրումային ծրագիրներու իրականացման նպատակով՝ քննարկել երկուստեք հետաքրքրութիւն ներկայացնող շարք մը նախագիծեր:
