Լոս Անճելոսի մէջ Պելլա Դարբինեանի 80-ամեակին նուիրուած յոբելեանական երեկոյին, մարդիկ հաւաքուած էին կարծէք երգչուհիին հետ հանդիպման: Դահլիճը համերգի մեկնարկէն առաջ արդէն լեցուն էր անոր երկրպագուներով:
Անոնց յիշողութեան մէջ դեռ թարմ է երգչուհիին հետ վերջին հանդիպումը: Անոր հեռանալէն ետք ալ այստեղ Պելլա Դարբինեանին կը սպասէին` իսկական, չապականած երգի արուեստագիտական կատարումներու ակնկալիքով: Անոր արուեստի երկրպագուները երգչուհիին խոստացած էին շարունակել ջերմ հանդիպումներու աւանդոյթը, նաեւ անոր մահէն ետք` յոբելեանի առիթով:
