«Այս պիտի ըլլայ իմ ամենամեծ յաղթանակը» վերնագիրով յօդուած մը հրապարակած է fighthype.com կայքը` ներկայացնելով Արթուր Աբրահամի յառաջիկայ մենամարտի վերաբերեալ մեկնաբանութիւնը: Ինչպէս կը հաղորդէ «Արմէնփրես»ը, հայ բռնցքամարտիկը նշած է, որ Մենի Պաքեաոյի հետ մենամարտիլը երազի նման է:
«Ես Հոլիվուտի մէջ մենամարտած եմ Էտիսըն Միրանտայի, Տիթրոյիթի մէջ Անտրէ Տիրելի, Կարսընի մէջ Անտրէ Ուորտի դէմ: Բայց այդ ժամանակ մեծ իրադարձութեան զգացողութիւն չունէի: Այդ բոլորէն երք կ՛երազէի հոս հանդէս գալու մասին, եւ ահա Ապրիլ 9-ին վերջապէս հնարաւորութիւն պիտի ստանամ ռինկը կիսելու Մենի Պաքեաոյի հետ», ըսած է WBOի աշխարհի ախոյեան 35-ամեայ Արթուր Աբրահամ:
Անդրադառնալով իր հակառակորդին` մեքսիքացի Խիպպերթօ Ռամիրեսին, Աբրահամ ըսած է, որ ան Մեքսիքայի երիտասարդ ու խոստումնալի բռնցքամարտիկներէն մէկն է: «Մեքսիքան այս մարզական ձեւին մէջ լաւ աւանդոյթներ ունի: Ռամիրեսը կը ցանկայ պատմութեան մէջ մնալ որպէս առաջին մեքսիքացին, որ միջին ծանրութեան կարգին մէջ աշխարհի ախոյեան դարձած է: Բայց ես ըլլալով հայ, որ կը բնակիմ եւ կը մենամարտիմ Գերմանիոյ մէջ, երկու պատճառներ ունիմ յաղթելու՝ հպարտութիւն եւ պատիւ: Այդ մենամարտին կը մօտենամ հետեւեալ միտքերով. «Աւելի լաւ է մեռնիլ ոտքի վրայ, քան ապրիլ ծունկի եկած»: Ատիկա պիտի ըլլայ իմ ասպարէզիս մեծագոյն յաղթանակը», ընդգծած է Աբրահամ:
Յիշեցնենք, որ WBOի աշխարհի ախոյեան Արթուր Աբրահամ, Ապրիլ 9-ին 24ամեայ Խիլպերթօ Ռամիրեսի հետ կայանալիք մենամարտին պիտի պաշտպանէ իր ախոյեանական գօտին: Մենամարտը պիտի ըլլայ Լաս «MGM Grand Garden Arena» մարզահամալիրին մէջ կայանալիք երկրորդ հանդիպումը` Փաքեաոպրետլի մրցամարտէն ետք:
