Իտալիոյ մէջ տպագրուած է հայերէն (արեւելահայերէն)-իտալերէն եւ իտալերէն-հայերէն (արեւելահայերէն) միակ բառարանը, որուն պաշտօնական ներկայացուցիչ ճանչցուած է իտալական HOEPLI յայտնի հրատարակչութիւնը: Ան պաշտօնապէս պետական ճանաչում ստացած է Իտալիոյ մէջ:
Այս մասին ըստ «Հայերն Այսօր»ի կը տեղեկացնէ բառարանի համահեղինակ Ռուզաննա Յարութիւնեան:
Նախապէս Հայաստանի մէջ տպագրուած բառարանները եւ արեւմտահայերէն տպագրութիւնները պաշտօնապէս չեն ճանչցուած Իտալիոյ մէջ: Բառարանը կը պարունակէ 20000 բառ, բառակապակցութիւններ, ասացուածքներ եւ տառադարձութիւններ: Առաջին անգամ ներկայացուած է արեւելահայերէնի հնչիւնաբանութիւնը (HOPELI յայտնի հրատարակչութիւնը որպէս հիմք ընդունած է հայերէն տառերու հնչիւնակազմութիւնը` հիմնուած պետական լեզուի մէջ օգտագործուող հնչիւնական համակարգին):
Բառարանը հնարաւոր է պատուիրել առցանց յղումով` https://www.hoepli.it/l…/dizionario-armeno/9788820367381.html”
