Արժանթինի Ֆութպոլի 8-եակի ախոյեան «Ռասինկ»ը հրաժարած է համագործակցիլ թրքական օդանաւային ընկերութեան՝ Turkish Airlines-ի հետ:
Արժանթինեան ակումբը կը բանակցէր թրքական օդանաւային ընկերութեան հետ, սակայն Հայոց Ցեղասպանութեան պատճառով հրաժարած է համագործակցելէ, NEWS.am-ի փոխանցմամբ կը գրէ Apertura.com-ը:
«Ռասինկ» ակումբի պաշտօնական կայքին մէջ, Հարաւային Ամերիկայի հայ երիտասարդական միութիւնը շնորհակալական ուղերձ հրապարակած է:
«Ֆութպոլի մարզաշապիկն ու ակումբի գոյները պէտք է աղտոտած չըլլան: Անոնք կը նոյնացնեն ակումբը իր համակիրներուն համար: Այդ պատճառով աշխարհի մէջ ոչ մէկ համակիր չի ցանկար, որ իր սիրելի խումբը հովանաւորէ ընկերութիւն մը այնպիսի երկրէ մը, որուն ղեկավարութիւնը խախտած է մարդու իրաւունքները», յայտարարած է Հարաւային Ամերիկայի հայերու երիտասարդական միութեան ղեկավար Ալֆոնսօ Թաբեկեանը:
Յիշեցնենք, որ անցեալ տարի արժանթինեան «Սան Լորենցօ»ն Հայաստանի համար հրաժարած էր ազրպէյճանական ընկերութեան հետ համագործակցելէ:
