Մոսկուայի մէջ քանի մը օրեր առաջ մեկնարկած է «Մի երկրաշարժի պատմութիւն» ֆիլմի նկարահանումը: Ֆիլմը արտադրող «Մարս մետիա» ընկերութեան ղեկավար Ռուբէն Տիշտիշեան, ըստ Panorama.am-ի kinopoisk.ru կայքին ներկայացուցած է ֆիլմի մասին մանրամասներ:
Ֆիլմի նիւթը կը զարգանայ 7 Դեկտեմբեր 1988ի Հայաստանի հիւսիսը տեղի ունեցած երկրաշարժէն ամենաշատը տուժած Գիւմրի քաղաքին մէջ: Ռ. Տիշտիշեանի խօսքով, Լենինականի երկրաշարժը ԽՍՀՄի պատմութեան մէջ վերջին իրադարձութիւններէն էր, որ միաւորած էր համայն խորհրդային ժողովուրդը: Տիշտիշեանը եղած է այդ իրադարձութիւններու անուղղակի մասնակիցը. երկրաշարժի յաջորդ օրը ընկերներուն հետ գացած է Լենինական, օգնած փրկարարներուն` յոյս ունենալով, որ աւերակներու տակէն հնարաւոր է գտնել ողջ մնացած մարդոց: «Մենք Հայաստանի հետ կապուած որեւէ բան նկարահանելու մտադրութիւն ունէինք, բայց 1988 թուականի երկրաշարժի մասին մենք չէինք մտածել: Երբ Անդրէասեան եղբայրները մեզ մօտ եկան սցենարը ձեռքներին, մենք հասկացանք, որ դա շատ լաւ նախագիծ է, քանի որ այն Հայաստանում տեղի ունեցած ողբերգական իրադարձութեան մասին է, կարելի է անել հանդիսատեսի լայն շրջանակներին հետաքրքրող մեծ կինօ», ըսած է Ռ. Տիշտիշեան:
«Մի երկրաշարժի պատմութիւն» ֆիլմը ստեղծողները կը մտածեն զուգահեռաբար նկարահանել վաւերագրական ֆիլմ 1988 թուականի դէպքերուն մասին: Ֆիլմին մէջ յատկապէս կը պատմեն աղէտի հետեւանքներուն մասին` աւերուած քաղաք, մարդկային ցաւ, կորսուած հարազատներ, փրկարարական գործողութիւններ:
Ֆիլմին մէջ կը նկարահանուին Կոնստանդին Լաւրոնենկոն, Մարիա Միրոնովան եւ Արտեոմ Պիսդրովը: Հայ դերակատարներու ընտրութեան փուլը տեւած է կէս տարի:
«Վճռական որոշում էինք ընդունել, որ հայ հերոսներին պէտք է մարմնաւորեն հայեր», ըսած է Ռ. Տիշտիշեան:
Ֆիլմին մէջ պիտի նկարահանուին Վիքթոր Ստեփանեանը, Տաթեւիկ Յովակիմեանը, Միքայէլ Պօղոսեանը, Հրանդ Թոխատեանը եւ Սօս Ճանիբեկեանը:
Մոսկուայի մէջ նկարահանումները կ՛ընթանան լքուած գործարանի մը տարածքին մէջ:
Նոյեմբերին նկարահանումներ պիտի ըլլան նաեւ Գիւմրիի մէջ: Ֆիլմի ստեղծման համար 100 հազար տոլար յատկացուցած են Հայաստանի մշակոյթի նախարարութիւնը եւ Կինոյի ֆոնտը: Ֆիլմի ստեղծողները զայն դիտելէ ետք պիտի որոշեն անոր փառատօնային ճակատագիրը: Կ՛ակնկալուի, որ ֆիլմի վերջնական տարբերակը պատրաստ ըլլայ յաջորդ տարուան Օգոստոսին եւ պաստառին յայտնուի 7 Դեկտեմբերի մօտիկ օրերուն:
«Ինձ թւում է, որ ֆիլմում կայ եւ առեւտրային, եւ փառատօնային ուժականութիւն: Այսինքն Օգոստոսից Դեկտեմբեր բոլոր փառատօնները կը լինեն մեր ուշադրութեան կեդրոնում: Միաժամանակ մենք կը ցանկանայինք Հայաստանի կողմից ներկայացնել ֆիլմը «Օսկար»ի», ըսած է ֆիլմը արտադրողը:
