Ղարաբաղա-ազրպէյճանական հակամարտ զօրքերու սահմանագիծին վրայ 15 Հոկտեմբերին եւ լոյս 16-ի գիշերը, հակառակորդի կողմէ հրադադարը խախտած է մօտ 120 անգամ, որուն ընթացքին տարբեր տրամաչափի հրաձգային զինատեսակներէ, ինչպէս նաեւ 60 (6 արկ) եւ 82 մմ.-ոց ականանետերէ (14 արկ), հայ դիրքապահներու ուղղութեամբ արձակուած է աւելի քան 2600 կրակոց: Առաւել բուռն խախտումներ արձանագրուած են ղարաբաղա-ազրպէյճանական հակամարտ զօրքերու շփման գիծի հարաւային ուղղութեամբ:
Ինչպէս կը տեղեկացնէ ԼՂՀ պաշտպանութեան նախարարութեան մամուլի ծառայութիւնը, պաշտպանութեան բանակի յառաջապահ զօրամասերը կը տիրապետեն իրադրութեան առաջնագծին վրայ եւ կը շարունակեն վստահօրէն իրականացնել մարտական հերթապահութիւն:
