«Արմէնփրես»ը զրուցած է դաշնակահարուհի Նարէ Արղամանեանի հետ գործիքի, ծրագիրներու, Հայոց Ցեղասպանութեան տարելիցին նուիրուած համերգներու եւ այլ հարցերու շուրջ: Երաժիշտը մասնաւորաբար նշած է, որ 18 Հոկտեմբերին պիտի նուագէ Պոսթոնի մէջ` ֆիլհարմոնիք նուագախումբի հետ, Հայոց Ցեղասպանութեան տարելիցին նուիրուած համերգին, ուր պիտի կատարէ Շոստաքովիչի առաջին քոնսերթը, իսկ երկրորդ մասին մէջ պիտի հնչէ Տիգրան Մանսուրեանի “Ռեքվիեմ”ը, որ ներկայ պիտի գտնուի այդ համերգին:
Դեկտեմբերին ծրագրուած է մէկ համերգ Գերմանիոյ մէջ:
Դաշնակահարուհի Նարէ Արղամանեանը ծնած է 1989ին եւ սկսած դաշնամուր նուագել 5 տարեկանին: Կրթութիւն ստացած է Երեւանի Չայքովսքիի անուան երաժշտական դպրոցը: 2004ին՝ 15 տարեկանին դարձած է Վիեննայի երաժշտութեան եւ արուեստներու համալսարանի ամենաերիտասարդ սաներէն մէկը: Հանդէս եկած է բազմաթիւ յայտնի նուագախումբերու հետ, շարք մը մրցոյթներու դափնեկիր է:
