Հայաստանի հետ դիւանագիտական յարաբերութիւններ չունեցող եւ փակ սահմաններ ունեցող Թուրքիան, միջազգային համաձայնագիրի ծիրէն ներս Հայաստան զինուորներ պիտի ղրկէ:
Ըստ «Արցախփրես»ի թուրք զինուորներուն Հայաստան ուղարկելու մասին յայտարարած է՝ Թուրքիոյ Զինուած ուժերու գլխաւոր շտապը:
Զինծառայողները Հայաստան պիտի գան Եւրոպայի մէջ սովորական զինուած ուժերու մասին պայմանագիրի ծիրէն ներս:
Անոնք Հայաստան պիտի մնան 3 օր` 11-էն 14 Հոկտեմբերին:
«Թրքական վերահսկող խումբի կազմին մէջ պիտի ներառուին զինծառայողներ նաեւ Սլովաքիայէն: 14 Հոկտեմբերին խումբը պիտի վերադառնայ Թուրքիա», ըսուած է հաղորդագրութեան մէջ:
