Երեքշաբթի, 25. 03. 2025

spot_img

Տարեցներու Միջազգային Օր. Հալէպի Հայ Ծերանոցի Մեծ Ընտանիքը Արժանավայել Ձեւով Յարգեց Ծեր-Պատսպարեալները

Հոկտեմբեր 1-ը Տարեցներու միջազգային օրն է: Այս առիթով, Հոկտեմբեր 1-ին Հալէպի Հայ Ծերանոցի մէջ տեղի ունեցաւ յատուկ նախաձեռնութիւն մը: Հայ Ծերանոցի տնօրէն տիար Աւօ Գաթրճեան, Խնամակալութեան եւ Տիկնանց օժանդակ յանձնախումբի ընկերակցութեամբ սենեակ-սենեակ շրջագայեցան եւ շնորհաւորեցին ծեր-պատսպարեալներուն, զրուցեցին անոնց հետ: Այս մասին կը հաղորդէ «Բերիոյ նիւզ»-ը:

Տարեցներու միջազգային օրուան առիթով Հայ Ծերանոցի մեծ ընտանիքի անդամները իւրաքանչիւր մամիկի եւ պապիկի նուիրեցին ծաղկեփունջ մը` մաղթելով անոնց առողջ, ուրախ եւ երկար տարիներ: Ինչպէս նաեւ տեղի ունեցաւ ճոխ հիւրասիրութիւն:

Հայ Ծերանոցի տնօրէն տիար Աւօ Գաթրճեան շնորհաւորեց տարեցները իրենց տօնին առիթով: Ան Աստուծոյ փառք տուաւ իւրաքանչիւր տարեցի կեանքին համար: Ան նաեւ շնորհակալութիւն յայտնեց Հայ Ծերանոցի անձնակազմին իրենց տարած բծախնդիր հոգատարութեան համար եւ անոնց կողմէ ներողամտութիւն խնդրեց տարեցներէն, եթէ երբեմն թերացումներ կը պատահին, յատկապէս պատերազմական այս տագնապալի օրերուն:

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

Ելեկտրոնային Գրադարան

spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին