Ֆրանսայի նախագահ Ֆրանսուա Օլանտ շահագրգիռ բոլոր կողմերուն կոչ ուղղեց՝ վերջ տալու հայ-ազրպէյճանական սահմանին վրայ տեղի ունեցող միջադէպերուն: ՄԱԿի Ընդհանուր ժողովի աշխատանքներու ծիրին մէջ տրուած մամլոյ ասուլիսի ընթացքին Օլանտ նշեց, որ իրենք մաս կը կազմեն ԵԱՀԿի Մինսքի խմբակին, ուստի պատասխանատուութիւն կը զգան ղարաբաղեան զարգացումներուն ուղղութեամբ: «Մենք բոլոր կողմերէն կը խնդրենք վերջ տալ սահմանային խախտումներուն: Մենք աշխատանք կը տանինք մեր միջնորդութիւնը շարունակելու համար: Վերջերս ես Հայաստան եւ Ազրպէյճան այցելելի նոյն հարցին մասին խօսելու համար», ըսաւ Ֆրանսայի նախագահը:
