Հայոց Ցեղասպանութեան 100րդ տարելիցին առիթով, Աւետիս զուիցերա-հայկական մշակութային ընկերակցութիւնը, Հոկտեմբեր 10ին Ժընեւի մէջ կը կազմակերպէ համերգ մը` Զուիցերիոյ մէջ Հայաստանի դեսպան Շառլ Ազնաւուրի բարձր հովանիին տակ: Այս մասին ըստ News.am-ի կը գրէ «Nouvelles d’Armenie» պարբերականը:
Համերգի ընթացքին պիտի հնչեն Անթօնիօ Վիվալտիի ստեղծագործութիւնները: Ելոյթ պիտի ունենան «Նեւշադելի մեներգիչներ» քամերային նուագախումբը` Սերկէյ Օսդրովսքիի ղեկավարութեամբ եւ Շուշան Սիրանոսեանի (ջութակ), Աստղիկ Սիրանոսեանի (թաւջութակ) ու Վարդուհի Խաչատրեանի (մեցցօ-սոփրանօ) մասնակցութեամբ:
